Na actualidade existe un interese crecente na identificación e avaliación de tecnoloxías sanitarias obsoletas. Diversas institucións están a iniciar actividades encamiñadas nesta dirección, pois a clasificación de determinadas tecnoloxías como obsoletas suporía un beneficio importante para os pacientes e os sistemas sanitarios, xa que os primeiros deixarían de ser tratados con tecnoloxías de menor efectividade ou menos seguras. A pesar deste crecente interese, a literatura publicada é moi escasa ao tratarse dun campo moi pouco desenvolvido na avaliación de tecnoloxías sanitarias, polo que gran parte do contido desta guía baséase en opinións de expertos. O grupo de traballo definiu como tecnoloxía sanitaria obsoleta aquela tecnoloxía sanitaria para unha ou varias indicacións en uso cuxo beneficio clínico, seguridade ou custo-efectividade foi superado de maneira significativa por outras alternativas dispoñibles.